Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Kæra hjá Effo/Vindrøkt seinkar Visjón 2030

Innanlands, Lesarabrøv | 11/11-2019 19:00

Effo/Vindrøkt hevur kært avgerðina hjá Umhvørvisstovuni at lata felagnum hjá Magn og LÍV loyvi at seta 6 vindmyllur upp í Flatnahaga.

Kæran hjá Effo/Vindrøkt er ógrundað og óseriøs. Og ikki bara tað. Hon fær eisini ta avleiðing, at skiftið til grøna orku verður seinkað púra óneyðugt.

Magn/LÍV nógv betri prís enn Effo/Vindrøkt
Effo/Vindrøkt finst at útrokningunum hjá Magn og LÍV og vil vera við, at tilboðið hjá okkum ikki inniheldur allar kostnaðir, ið ávirka prísin. Hetta er ósatt. Okkara tilboð uppfyllir allar treytir í útbjóðingartilfarinum. Tí er kæran hjá Effo/Vindrøkt burturvið.

Effo/Vindrøkt fingu stórar fyrimunir í útbjóðingartilgongdini, tí tey, á onkran løgnan hátt, fingu einkarrætt uppá eitt sera gott lendi í Hoyvíkshaganum, sum bæði SEV og Magn høvdu áhuga í. Hetta beint ímóti galdandi praksis, og tilráðingunum hjá Orka og Umhvørvisstovuni. Hóast tað, varð teirra prísur munandi hægri enn bæði tann hjá Magn/LÍV og tann hjá SEV.

Orka á Umhvørvisstovuni eru tey einastu, sum hava sæð tilboðini og útrokningarnar hjá øllum tilboðsgevarunum. Orka staðfesti greitt, at Magn/LÍV kundu veita bíligasta streymin.

Prísurin hjá okkum var 0,231 kr/KWt, meðan prísurin hjá Effo/Vindrøkt var 0,284 kr/KWt. Altso omanfyri fimm oyru bíligari fyri hvønn kilowatt-tíma. Hetta er ein sera stórur munur! Vit halda tað verða margháttligt, at Effo/Vindrøkt kæra, at Magn og LÍV kunnu veita føroyingum bíligari streym, enn tey kunnu.

Seinkar grøna orkuskiftinum, økir dálkingina, og kostar SEV umleið 40 milliónir kr.

Effo/Vindrøkt hava sjálvandi rætt til at kæra avgerðina hjá Umhvørvisstovuni. Men her er bara onki at koma eftir, og havandi stóra prísmunin í huga, burdi tað verið greitt fyri einhvønn.

Størsti trupulleikin við kæruni er, at hon hevur so sera óhepnar avleiðingar fyri grøna orkuskiftið og ætlanirnar um at røkka Visjón 2030, har oljan skal vera skift út við varandi orkukeldur.

Vindmyllurnar hjá Magn og LÍV skuldu setast upp næsta summar og byrja at veita grønan streym longu í september/oktober 2020, men av tí at vindmyllurnar bara kunnu setast upp um summarið, náa vit ikki at seta tær upp til tíðina, orsakað av kæruni. Avleiðingin verður, at vindmyllurnar heilt vist ikki kunnu setast upp fyrr enn summarið 2021.

At Effo/Vindrøkt útseta grøna orkuskiftið hevur við sær, at Føroyar fara at brenna 13.000 óneyðug tons av sera dálkandi tungolju. Hetta svarar til 36 mió. tons í eyka CO2-útláti. Harumframt noyðist SEV hesa tíðina at brúka umleið 40 milliónir eyka krónur til keyp av tungolju.

Vit skilja ikki, at Effo/Vindrøkt vilja seinka grøna orkuskiftinum við eini slíkari meiningsleysari kæru, sum tey vónandi eru fullgreið yvir longu er tapt, heldur enn at arbeiða fyri einum grønum orkuskifti saman við Magn og LÍV.

Hendrik Egholm
forstjóri, Magn
 

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Annika Bolton Mortensen
Lýsing
Mest lisið í farnu viku
SVIK: Ronnie Thomassen ummælir bókina um Eik-málið
Vit á R7 gita: Hendan ferjan skal sigla við farminum, um Skopunarfjørð
Samrøða: Bjarni Arnason, Jóhan Dahl og Jacob Vestergaard um fiski­vinnu­lóggávuna, sum er á veg
R7 Premier League (41) - 9. des 2019
Donald Trump gav talibanum ein rimmar hvøkk á vitjan í Kabul
Sonne Smith um nýggja havrannsók­nar­skipið
Ivan H. Niclasen: Meira gjøgnumskygni
Høgni í Jákups­stovu: Eg skilji báðar partar
Miðvika við Kára P. Højgaard (4) - Gestur: Henning Bøgesvang
Hol sett á arbeiði undir Høganesi
Hendingin í Miðvági í gjárkvøldið: politiið hevur sent hetta tíðindaskriv út
Hetta er nýggi havnarfútin í Vestmanna
Jóla­pakkar­nir eru góðir, hóast allir eru til mannfólk
Pávakirkjan snávar frá eini gølu til aðra
Jødisk-kristin mentan og etniska býtið av Nobel-vinnarum
Fleiri idiotiskir spádómar um annað enn veður
Georg L. Petersen: Innihaldið í samrøðuni eigur út til fólkið
Skattamálið snýr seg ikki um boðberan
Útlendingar í USA sendu í fjør USD 160 mia til familjur heima
TALUFRÆLSI
Eigur tú tveir lastbilar til Landsverk ?
Jødar umhugsa at fara úr Bretlandi
Strandferðslan: Nærum øll koyring og sigling avlýst vegna veður
Lands­stýrið stevnir KvF
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi