Joe & the Shitboys vórðu settir at spæla síðsta kvøldið á íslenska festivalinum. Leygarkvøldið framførdu teir á spælistaðnum Gaukurinn.

Á heimasíðuni hjá NME stendur: "Føroysku Joe & the Shitboys høvdu tikið uppreistrarorkuna við sær, tá teir framførdu á kult spælistaðnum, Gaukurinn. Teir lýsa seg sum "biseksuellar veganarar", frá tí teir koma á pallin, og svaki bólkurin spelar ígjøgnum sangirnar frá debutplátuni "The Reson For Hardcore Vibes", sum bert er 10 minuttir til longdar." 

Oddamaðurin, "Joe", fær fjøldina upp at koyra, millum annað við at skemta við áhoyrarunum, gjøgnum alla konsertina. Bólkurin mælir fólki til at gerast veganarar, og mæla til javnstøðu, til dømis við sangunum "If You Believe In Eating Meat Start With Your Dog" og "Life Is Great You Suck". Teir valdu at enda konsertina við tøkulagnum, "Sleep Now In The Fire" hjá Rage Against The Machine

Meira ber til at lesa um Joe & the Shitboys á Iceland Airwaves her:

LES: ummæli av konsertini hjá Joe & the Shitboys á spælistaðnum Gaukurinn

LES: síðsta kvøldið á Iceland Airwaves