Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Ísland: Útvísing av kvinnu í 36. viku hevur vakt øsing

Uttanlands | 11/11-2019 23:00

Ein 26-ára gomul kvinna, sum er upp á vegin í 36. viku, varð víst út úr Íslandi tann 5. november. Avgerðin hevur vakt nógva øsing í Íslandi.

Sosialistiski ungdómsflokkurin og Kvinnurørslan í sosialdemokratisku samgonguni fordøma avgerðini. Tey siga avgerðina er brot á ST Barnarættindasáttmálan. Tað skrivar mbl.is.

"Ongi Mørk Ísland" hava eisini fordømt avgerðini. Tað sama hava politikkarar úr sosialdemokratisku samgonguni, Viðreisn flokkinum, og Pirat flokkinum.

Íslenska Heilsumálaráðið hevur funnist at avgerðini í einum almennum brævi, og vilja vera við, at útvísingin átti at verið útsett. Tað siga tey, aftaná at hava lisið eitt bræv frá læknanum hjá kvinnuni á Landspítali (Landssjúkrahúsinum).

Albanska kvinnan kom til Íslands við manni og tvey ára gamla soni sínum, fyri einum mánaða síðan. 

Eftir at hava kannað umsóknina hjá lítlu familjuni, vórðu tey mett ikki at hava rætt til friðskjól. Albania verður nevniliga mett at vera eitt trygt land.

Helga Vala Helgadóttir, úr sosialdemokratisku samgonguni í tinginum, sigur við mbl.is, at íslenskir myndugleikar nýliga hava sett strangari mørk fyri fólk, ið søkja um friðskjól. 

“Um íslenskir myndugleikar ikki halda, at støðan hjá eini kvinnu, sum er í 36. viku og er í eini "há-váða viðgongutíð", er at meta sum óvanliga sárbær, so veit eg ikki, hvør yvirhøvur kann metast at vera tað í eygunum á myndugleikunum", sigur Helga Vala Helgadóttir.

Kvinnan, sum varð útvíst hevði fingið eitt bræv við frá einum lækna á Landssjúkrahúsinum morgunin fyri útvísingina, har tað stóð, at flogferðin kundi gerast vandamikil fyri kvinnuna, tí hon fekk illa flutt seg fyri pínu. Men løgreglan gav ikki brævinum frá læknanum gætur. Í staðin valdi løgreglan at vísa á eina váttan, frá læknanum á Innflytingarmálaráðnum, har tað stóð, at kvinnan kundi flúgva. Men tann váttanin varð gjørd út frá eini læknavitjan tríggjar vikur áðrenn hon varð útvíst.

Tað verður sagt, at albanska familjan er komin fram til Albania aftaná drúgva heimferð. Tað skrivar mbl.is.


Lagt út: Sissal G. Magnussen
Lýsing
Mest lisið í farnu viku
SVIK: Ronnie Thomassen ummælir bókina um Eik-málið
Vit á R7 gita: Hendan ferjan skal sigla við farminum, um Skopunarfjørð
Samrøða: Bjarni Arnason, Jóhan Dahl og Jacob Vestergaard um fiski­vinnu­lóggávuna, sum er á veg
R7 Premier League (41) - 9. des 2019
Donald Trump gav talibanum ein rimmar hvøkk á vitjan í Kabul
Sonne Smith um nýggja havrannsók­nar­skipið
Ivan H. Niclasen: Meira gjøgnumskygni
Høgni í Jákups­stovu: Eg skilji báðar partar
Miðvika við Kára P. Højgaard (4) - Gestur: Henning Bøgesvang
Hol sett á arbeiði undir Høganesi
Hendingin í Miðvági í gjárkvøldið: politiið hevur sent hetta tíðindaskriv út
Hetta er nýggi havnarfútin í Vestmanna
Jóla­pakkar­nir eru góðir, hóast allir eru til mannfólk
Pávakirkjan snávar frá eini gølu til aðra
Jødisk-kristin mentan og etniska býtið av Nobel-vinnarum
Fleiri idiotiskir spádómar um annað enn veður
Georg L. Petersen: Innihaldið í samrøðuni eigur út til fólkið
Skattamálið snýr seg ikki um boðberan
Útlendingar í USA sendu í fjør USD 160 mia til familjur heima
TALUFRÆLSI
Eigur tú tveir lastbilar til Landsverk ?
Jødar umhugsa at fara úr Bretlandi
Strandferðslan: Nærum øll koyring og sigling avlýst vegna veður
Lands­stýrið stevnir KvF
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi