Mánakvøldið í vikuni upplivdi eg tann stóra heiður og ta stóru viðurkenning, at Lions hevði avgjørt at stuðla verkætlanini á Hellunum við einum gávukekki upp á kr 10.000.

Hetta vóru rørandi boð at fáa og eg hevði ikki eingang sjálvur søkt um stuðul. Rørandi var tað, tí Lions hevði hildið fund á Hellunum og tá teir spurdu meg hugsaði eg, Lions er ein vælgerandi felagsskapur, og tað fer einki burtur av mær, um eg kóki kaffi og baki eina køku til teir og sýni blíðskap, mundi eg ikki kenna teir flestu. Tað var ikki í mínum tankum, at eg skuldu fáa nakað aftur fyri.

Myndina tók ein av Lionslimunum og hon sýnir meg taka í móti kekkinum frá harra Johan Petersen, ein av undangongumonnunum í Lions í Eysturoy og Klaksvík. Tummas Lervig situr við borðið ( sí mynd )og hevur stýr á tingunum á telduni.

Onnur vórðu eisini heiðraði, eitt nú garðurin hjá Nólsoyar Páll í Klaksvík. Gøtu Fornminnisfelag, Forni á Nesi, eitt tól til kommunulæknan í Gøtu og pengar til at gera svimjihylin í Eysturoyar Ellisheimi brúkiligan aftur. Eg takki av hjarta fyri gávuna og viðurkenningina. Hátíðarhaldið varð hildið á Eysturoyar ellisheimi.

Tað skrivar Justinus Eidesgaard á facebook.