MYNDARØÐ: Biogassverki á Skarðshjalla tekur skap
Biogassverkið fer at hava ein tekniskan kapasitet at taka í móti 100.000 tonsum av lívrunnum burturkasti árliga. Ætlanin er tó í fyrstu atløgu at taka móti 50.000 tonsum av lívrunnum burturkasti árliga.
Á Skarðshjalla sæst tíðuliga hvussu stór verkætlanin við biogassverkinum á Skarðshjalla er. Vit tóku nakrar myndir í morgun.
Tað er P/F Føroysk Náttúruorka, sum er dótturfelag hjá Bakkafrosti, sum byggir eitt biogassverk við ravmagns-framleiðslu á á Skarðshjalla.
Biogassverkið fer at hava ein tekniskan kapasitet at taka í móti 100.000 tonsum av lívrunnum burturkasti árliga. Ætlanin er tó í fyrstu atløgu at taka móti 50.000 tonsum av lívrunnum burturkasti árliga.
Endamálið við biogassverkinum er at framleiða hita, streym og nátúrlig tøð burtur úr mykju og burturkasti frá smolt- og alistøðum og seinni kanska eisini lívrunnum húsarhaldsburturkasti. Ein vøkstur í móttøku av lívrunnum burturkasti vil bert fara fram, um tað er grundarlag fyri at fáa avsett tilsvarandi nøgd av avgassaðum tøðum.
Verkið fer at kunna taka ímóti 275 tonsum av lívrunnum tilfari um dagin, sum verður hitaviðgjørt. Framleiðsluorkan verður 1.300 m3/tíman av biogassi, sum í høvuðsheitum er ein blandingur av metani og CO2. Gassgoymslan verður 300 m3. Ravmagnsframleiðslan verður 1.500 kW og hitaframleiðslan verður 1.489 kW. Tað skrivar Umhvørvisstovan á heimasíðu síni.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur