Tey 17 heimsmálini vórðu av álvara sett á breddan í fjør, og flestu skúlar høvdu evnisviku um heimsmálini. Aftur í ár verða nøkur av heimsmálunum tikin fram á skúlum kring landið, og vikuna fyri heystfrítíðina varð evnisvika við yvirskipaða evninum “Burðardyggleiki og innovatión” á Námsvísindadeildini.11. november 2019

Undirvísarar á deildini skipaðu fyri verkstovum, og tey lesandi høvdu tí fleiri sera áhugaverdar verkstovur í at velja. Av verkstovum kunnu nevnast: “Re-design, endurnýtsla og burðardyggur móti - Hvussu kunnu vit økja tilvitið hjá børnum og ungum um árinið frá klæðum á umhvørvið”, “Burðardyggar søgur á staðnum - Tvørfaklig verkætlan við íblástri frá træskurðum hjá Edward Fuglø”, “Veðurlagsbroytingar og sálarlig heilsa” og “Burðardygg og innovativ náttúruvísindi”

Les meira her: skulabladid.fo