Íslendskt virksemi í Namibia verður gjølla kannað
Samherji, sum er eitt av størstu sjóvinnufyritøkunum í Íslandi, við nógvum virksemi uttanlands, hevur sett eina altjóða sakførarafyritøku at hjálpa við at kanna virksemi í Afrika.
Ein fyrrverandi stjóri í einum dótturfelagi hjá Samherja í Namibia, hevur sambært einum tíðindaskrivi í gjár, tosað við miðlar, har hann hevur álvarsligar skuldsetingar móti leiðsluni í Samherja.
Tí hevur Samherji nú sett altjóða sakføraravirkið, at hjálpa teimum við kanningunum.
- Vit vilja ikki úttala okkum um hesar ávísu skuldsetingarnar, fyrr enn kanningin er gjørd, stendur í tíðindaskrivinum.
Í kvøld var ein tíðindsending á RÚV, Kveikur, har tey høvdu fingið fatur á trúnaðarskjølum gjøgnum WikiLeaks. Í skjølunum stendur, at Samherji seinastu tíggju árini hevur goldið hundra milliónir íslenskar krónur til høgtstandandi politikkarar og embætisfólk, fyri at fáa loyvi at fiska meir enn ynsktu kvotuna. Sendingin Kveikur hevur kannað skjølini og skuldsetingarnar í samstarvi við tíðindastovnin Al Jazeera Investigates og Stundin.
Í sendingini hjá Kveikur um Samherja, kom tað fram, at Samherji hevur fingið stóran ágóða av virkseminum í Namibia, og hevur brúkt eitt vælkent skattaskjól í royndini at fáa vinningin út úr landinum.
Tilfarið frá Wikileaks fevnir um túsundavís av skjølum og teldupostum hjá viðskiftafólki í Samherja. Ein av teimum, Jóhannes Stefánsson, hevur valt at standa fram og siga frá sínum leikluti. Hann var deildarstjóri hjá Samherja í Namibia í 2016.
- Hetta er heilt einkult kriminalitetur. Skipaður kriminalitetur. Tey vinna pening av tilfeingi í landinum, taka allan peningin úr landinum og gera síðani íløgur aðrastaðni, annahvørt í Evropa ella í USA, sigur Jóhannes Stefánsson, sum sjálvur sigur seg vera sekan í hesum sama. "Eg breyt lógina vegna Samherja, meðan eg arbeiddi har. Eg var tann, sum stóð fyri kvotunum, og hevði røttu sambondini og sovorðið, so eg fekk bara boð frá monnum, sum sótu hægri uppi."
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur