Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Closed For Maintenance-skrásetingarsíðan varð álopin í gjár

Innanlands | 13/11-2019 19:00

Eitt sokallað DDoS-álop beint fyri kl. 15.00 í gjár var orsøkin til, at skrásetingarsíðan fyri Closed For Maintenance hjá Visit Faroe Islands, gjørdist óvirkin beint áðrenn tað átti at gerast gjørligt at melda seg til átakið, sum verður 16. til 17. apríl 2020.

Eitt DDoS-álop er ein roynd at gera eina tænastu ella heimasíðu óvirkna, við at yvirfloyma hana við óynsktari ferðslu frá nógvum ymiskum teldum. Tann, sum stendur fyri álopinum, kann geva boð og taka ræðið á hvussu nógv ferðsla skal sendast inn á tænastuna ella heimasíðuna. So mikið nógva ferðslu, at netverkiðsteðgar við at rigga, og soleiðis gera síðuna óvirkna.

Fyri at sleppa sær undan, at nakað tílíkt hendir aftur, hevur Visit Faroe Islands í dag gjørt av, at fólk heldur skulu melda seg til viðlíkahaldið av ferðamannamálum í Føroyum, á ein øðrvísi hátt. 

Soleiðis meldar tú teg til Closed For Maintenance 2020:

Tilmeldingin á heimasíðuni lat upp í dag, 13. november kl. 15.00. Tey, ið melda seg til, vera ikki biðin at gjalda ferðaseðilin beinavegin, sum støðan er nú. Í staðin vera fólk biðin at útfylla skjøl við persónligum upplýsingum.

Tilmeldingin er opin í 24 tímar, og steingir í morgin, hósdag 14. november, kl. 15.00 føroyska tíð.

Tá 24 tímar eru farnir, verða 100 av teimum, ið hava meldað seg til, tilvildarliga vald at vera partur av átakinum næsta ár. Tað hevur onki at siga fyri, um tú verður vald, nær tú meldar teg til hesar 24 tímarnar.

Tey 100 fólkini, ið verða tilvildarliga vald, fáa síðani ein teldupost frá Visit Faroe Islands 18. november. Í teldupostinum verður ein leinkja, sum tey skulu trýsta á, og har ígjøgnum gjalda fyri ferðaseðlarnar til Føroya. Ferðaseðilin fer at kosta kr. 1.666, og flogið verður við Atlantic Airways. Eisini her fáa tey eina 24 tíma freist at gjalda ferðaseðilin. 

Visit Faroe Islands hevur ikki viðmerkt, um tey vita, hvaðani DDoS-álopið stavar, ella hvør hevur staðið fyri tí.


Lagt út: Sissal G. Magnussen
Lýsing
Mest lisið í farnu viku
SVIK: Ronnie Thomassen ummælir bókina um Eik-málið
Vit á R7 gita: Hendan ferjan skal sigla við farminum, um Skopunarfjørð
Samrøða: Bjarni Arnason, Jóhan Dahl og Jacob Vestergaard um fiski­vinnu­lóggávuna, sum er á veg
R7 Premier League (41) - 9. des 2019
Donald Trump gav talibanum ein rimmar hvøkk á vitjan í Kabul
Sonne Smith um nýggja havrannsók­nar­skipið
Ivan H. Niclasen: Meira gjøgnumskygni
Høgni í Jákups­stovu: Eg skilji báðar partar
Miðvika við Kára P. Højgaard (4) - Gestur: Henning Bøgesvang
Hol sett á arbeiði undir Høganesi
Hendingin í Miðvági í gjárkvøldið: politiið hevur sent hetta tíðindaskriv út
Hetta er nýggi havnarfútin í Vestmanna
Jóla­pakkar­nir eru góðir, hóast allir eru til mannfólk
Pávakirkjan snávar frá eini gølu til aðra
Jødisk-kristin mentan og etniska býtið av Nobel-vinnarum
Fleiri idiotiskir spádómar um annað enn veður
Georg L. Petersen: Innihaldið í samrøðuni eigur út til fólkið
Skattamálið snýr seg ikki um boðberan
Útlendingar í USA sendu í fjør USD 160 mia til familjur heima
TALUFRÆLSI
Eigur tú tveir lastbilar til Landsverk ?
Strandferðslan: Nærum øll koyring og sigling avlýst vegna veður
Lands­stýrið stevnir KvF
Fleiri summarlegur næsta ár
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi