Gullak Madsen letur smíða nýggja Ruth
Føroyski reiðarin í Hirtshals, Gullak Madsen, skal hava nýtt uppsjóvarskip.
Reiðaríið Ruth A/S, sum er reiðaríið hjá Gullaki Madsen, hevur gjørt sáttmála við Karstensens Skipasmiðju í Skagen um at smíða ein nýggjan uppsjóvartrolara.
Nýggi skipið hjá Gullaki Madsen skal vera 89,35 metrar langt og 17 metrar breitt.
Skipið verður nutímans á allar hættir við framkomnari útgerð.
Reiðaríið Ruth fiskar uppsjóvarfisk, serliga sild og makrel, men eisini svartkjaft. Nýggja skipið skal eisini fiska hesi fiskasløgini.
Gullak Madsen yvirtók núverandi Ruth sum nýbygning av Karstensen-Skipasmiðjuni í 2016. Skipið hevur víst seg at rigga avbera væl og hevur samstundist verið bíligt í rakstri. Hetta skipið er júst selt til reiðaríið, K. Halstensen, í Bekkjarvik í Norra, og verður yvirtikið í februar í 2020. Í staðin hevur Gullak Madsen keyp eitt eldri uppsjóvarskip úr Norra.
Gullak Madsen stovnaði reiðaríið Ruth í 1988, tá hann keypti Arica I, sum var fyrrverandi Maria Polaris, og sum seinni fekk navnið Ruth.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur