Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

LJÓÐBROT: Íslendskur journalistur um Namibia-gøluna hjá Samherja

Fiskivinna, Innanlands, Uttanlands | 14/11-2019 09:00
Stjórin í Samherja, Þorsteinn Már Baldvinsson, saman við nøkrum av namibiarunum, sum hann skal hava mutrað við peningi.

Samherji í Íslandi roynir nú at gera fyrrverandi stjóran í felag teirra í Namibia til syndabukk í muturs-málinum, sum íslendska kringvarpið, RUV, avdúkaði í gjárkvøldið.

Í tíðindasendingin Kveikur varð avdúkað, at Samherji, ein av størstu sjóvinnufyritøkunum og reiðaríunum í Íslandi, við nógvum virksemi uttanlands, skal hava vunnið pening ólógliga gjøgnum eitt dótturfelag í Namibia. Samherji skal hava fingið stóran ágóða av virkseminum í Namibia, og hevur síðan brúkt eitt vælkent skattaskjól á Marshall Oyggjunum í royndini at fáa vinningin út úr afrikanska landinum.

Kveikur hevur fingið fatur á bæði trúnaðarskjølum og teldupostum hjá viðskiftafólki hjá Samherja, gjøgnum WikiLeaks. Í skjølunum sæst millum annað, at Samherji seinastu tíggju árini hevur goldið umleið hundrað milliónir íslendskar krónur til framstandandi politikkarar og embætisfólk, fyri at fáa loyvi at fiska meira enn loyvdu kvotuna. Og her er tað, at mistankin um mutur stendst.

Skjølini og skuldsetingarnar eru kannaðar í samstarvi við tíðindastovnin, Al Jazeera Investigates, og íslendska tíðindablaðið, Stundin.

Á heimasíðuni hjá Stundini stendur, at Samherji hevur nýtt størsta bankan í Noregi, DNB-Nor, at flyta 70 milliónir dollarar frá virksemi í Afrika til eitt skattaskjól á Marshall-Oyggjunum árini 2011 til 2018. Ein partur av hesum peninginum kemur frá virkseminum í Namibia, har Samherji hevur fiskað rossamakrel.

Eitt av fyrverandi starvsfólkunum, Jóhannes Stefánsson, hevur valt at standa fram og siga frá sínum leikluti. Hann var deildarstjóri hjá Samherja í Namibia í 2016.

- Hetta er heilt einfælt kriminalitetur. Skipað brotsmannavirksemi. Tey vinna pening av tilfeingi í landinum, taka allan peningin úr landinum og gera síðani íløgur aðrastaðni, annahvørt í Evropa ella í USA, sigur Jóhannes Stefánsson, sum sjálvur sigur seg vera sekan í hesum sama. 

"Eg breyt lógina vegna Samherja, meðan eg arbeiddi har. Eg var tann, sum stóð fyri kvotunum, og hevði røttu sambondini og sovorðið, so eg fekk bara boð frá monnum, sum sótu hægri uppi," sigur hann.

Áðrenn sendingina í gjár sendi Samherji eitt tíðindaskriv út, har tað stendur, at Samherji júst hevur sett eina altjóða sakførarafyritøku at hjálpa við at kanna virksemi hjá teimum í Afrika. 

- Vit vilja ikki úttala okkum meira um hesar ávísu skuldsetingarnar, fyrr enn kanningin er gjørd, stendur í tíðindaskrivinum.

Føroyska reiðaríið Framherji yvirtók eitt skifti í 2012 eitt skip frá Samherja, sum var við í makrelfiskiskapinum við Føroyar. Tað skipið æt Høgaberg. Og júst Høgaberg er eitt av skipunum hjá Samherja, sum hevur fiskað í Afrika.

Íslendski Samherji hevur træðrir inn í føroysku fiskivinnuna, millum annað í Framherja - og í frystitunlar. 

Fyrrapartin tosaðu vit við íslendska journalistin og rithøvundin, Magnus Tór Hafsteinsson, um Nabibia-málið og Samherja (hoyr samrøðuni longur uppi á síðuni).

Høgaberg og føroyska felagið, Framherji, verða nevnd í skjølunum, sum Wikileaks hevur lagt fram í Namibia-málinum hjá Samherja.

Og nú er líkt til, at Samherji roynir at gera fyrrveradi stjóra teirra í Namibia, Jóhannes Stefánsson, til syndabukk í Namibia-málinum. Stjórin í Samherja, Thorsteinn Már Baldvinsson, sigur á heimasíðuni hjá felagnum millum annað:

“Vit eru ógvuliga vónbrotin av at hoyra,  at Jóhannes Stefánsson - ein fyrrverandi leiðandi stjóri hjá Samherja í Namibia, sær út at vera blandaður í ivasamt handilsvirksemi - og møguliga hava blandað Samherja inn í ólógligt virksemi.” 

Stjórin í Samherja sigur víðari, at til fyri kortum visti Samherji onki um, hvussu umfatandi handilspraksisið hjá Jóhannes Stefánsson rakk, og tað er ivasamt, um tað veruliga er soleiðis, sum hann sigur.

Norski bankin, DNB, sum Samherji skal hava flutt pening ígjøgnum, sigur, at fleiri kontur hjá undirfelagnum hjá Samherja, Marshall Island - Cape Cod FS, vórðu stongdar í mai 2018. 

Bankin sigur við norska blaðið, FiskeribladetFiskaren, at bankin frætti um hetta málið í gjár, og at bankin nú kannar tað. Bankin leggur aftrat, at DNB (bankin)hevur arbeitt ímóti korrupsjón og hvítvasking, og hetta arbeiðið er styrkt fyri at forða fyri fíggjarligum brotsmannavirksemi.


Lagt út: Grækaris D. Magnussen
Lýsing
Mest lisið í farnu viku
Patrik: "Eg var noyddur at venda TB bakið." (Hoyr samrøðuna)
Vónirnar um at fáa fatur í dreingi­num, vóru ikki góðar
NOVA úr Suðuroynni (48) - 16. sept. 2020
Vespureiðrið (151) - 14. sept. 2020
Dagur og vika eigur at koma við eini umbering
Samrøða: Jógvan Poulsen, USA-fjeppari
Mette givið Fólka­tingi­num hagtøl um muslimsk brotsverk
Úr bandasavni­num: Samrøða við Havgrímur Gaasedal
Samrøða: Pál Weihe um Koronavirus
Harry prinsur og Meghan Markle fáa ikki ókeypis verju í Kanada
MYNDIR: Kvinnu­renning í Hvalvík
Á Torginum 15. sept. 2020 - Samrøða: Malvina og Niels Absalonsen
Evropa aftur í ár 1 mió sýriskar muslimar úr Turkalandi?
California í streymloysi og ljósum loga av ‘grønum’ orkupolitikki
Politiskur ruðuleiki við sama lag í Sudan
Petur Hans Dahl. veðurfrøð­ingur: Veðurvá­nir fyri hesa vikuna (vika 38)
Bergur R Dam Jensen: Aftursvar til Anniku Olsen
Brandur í Dali: Snýr alt seg um pengar?
Nú kemur Hannah Arendt í øllum førum til Føroyar
3 russar og 1 ukraini ákærdir fyri at hava dripið 298 fólk í flogfari
Maduro biður venezuelskar kvinnur fáa 6 børn í part
Janus skal skráseta staðarnøvn í Nes kommunu
Ragnhild og Christian ganga nýggjar leiðir
Luxembourg ger alla kollektiva ferðslu ókeypis fyri brúkarar
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi