Tosað verður um healingsmassagu og samtaluterapi - ein alternativ heilsuviðgerð góðkend av danska Sundhedsstyrelsen. Hendan viðgerð kan m.a.  hjálpa fyri strongd, angist, tunglyndi og til sjálvsmenning. Tosað verður eisini um NLP, sum stavar frá psychoterapi. NLP stendur fyri neuro-linguistic programming og verður brúkt um kroppurin er skelkaður ella í trauma av onkrari hending á lívsleiðini.  

Gestur í sendingini er Birita Vang Midjord. Hon hevur eina viðgerðarstovu í Froðba og umframt healingsmassagu bjóðar hon ymiskar aðrar viðgerðir, sum vit eisini tosa um í smálutir - japanska lifting, massaga við heitum steinum, tei viðgerð, infrareyða hitaviðgerð og viðgerð við theta metoduni.

Theta metodan er ljóð og ljós viðgerð fyri m.a. orðblindi, tunglyndi, ringt sjálvsvirði og ringt minni. Theta metodan er eisini ment til at viðgerða børn - børn hjá fráskildum foreldrum, sum bera sorg, orðblind børn og børn sum hava upplivað onkra trauma.

Vertur í sendingini er Annika Bolton Mortensen.