Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Frítíðarkort til børn og ung í Tórshavnar kommmu

Innanlands, Lesarabrøv | 15/11-2019 17:00

Børn og ung í Tórshavnar kommunu eiga eisini at fáa frítíðarkort í boðið og hesum arbeiða vit í TK í løtuni við í samband við at frítíðarpolitikkur verður orðaður.

Eg kenni til kortið úr Íslandi og veit hvussu góðar royndirnar eru haðani og fegnist um at Runavíkar Kommuna setti skjøtul á og fleiri kommunur nú fylgja hesum frálíka átaki.

Kortið hevur fleiri fyrimunir við sær:

- Tað er ein stuðul til barnafamiljur, so øll børn og ung hava møguleika at ganga til eitthvørt frítíðarítriv (tónleik, skótar, ítrótt, drama osfr)

- At fleiri børn og ung eru virkin bæði sálarliga og kropsliga er eitt týðandi fyribyrgjandi átak og ein beinleiðis íløga í sunnar vanar og góða fólkaheilsu

- Óbeinleiðis er talan um góðan stuðul til frítíðarfeløgini, sum harvið fáa betri møguleikar at menna sítt virksemi, td við at bjóða dygdargóða venjing til allar aldursbólkar.

Tí arbeiða vit miðvíst við at fyrireika, hvussu eitt frístundakort kann bjóðast børnum og ungum í høvuðsstaðnum. Serliga haldi eg at tað er sera umráðandi at fáa góðar, vaksnar venjarar til breiddina.

Hagtølini vísa, at mong ung steðga í frítíðarfelagsskapi um 14-15 ára aldur, - kanska tí feløgini ikki hava fíggjarliga orku til at seta vaksnar venjarar til allar aldursbólkar. Og sum kommuna og sum foreldur ynskja vit, at okkara ungu eru partur av einum sunnum sosialum felagsskapi. Her kann frítíðarkortið vera við til at fáa tey at halda fram at íðka, m.a. tí at frítíðartilboðið er seriøsari.

Í TK eru okkurt um 70 ymisk ítróttar og frítíðarfeløg og tí krevst eitt dygt fyrireikingararbeiði í samband við at bjóða slíkt kort fram. Nú vit arbeiða við frítíðar- og ítróttarpolitikkinum hava vit fundir við ÍSF og frítíðarfeløg í kommununi og tað kemur at geva okkum neyðuga grundarlagið til at taka støðu til hvussu eitt frístundakort kann setast saman og fyrisitast í kommununi.

Tí sjálvandi skulu børn og ung í Tórshavnar kommunu eisini fáa frítíðarkortið í boði.

Gunvør Balle
Forkvinna í mentamálanevndini


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Annika Bolton Mortensen
Lýsing
Mest lisið í farnu viku
SVIK: Ronnie Thomassen ummælir bókina um Eik-málið
Vit á R7 gita: Hendan ferjan skal sigla við farminum, um Skopunarfjørð
Samrøða: Bjarni Arnason, Jóhan Dahl og Jacob Vestergaard um fiski­vinnu­lóggávuna, sum er á veg
R7 Premier League (41) - 9. des 2019
Donald Trump gav talibanum ein rimmar hvøkk á vitjan í Kabul
Sonne Smith um nýggja havrannsók­nar­skipið
Ivan H. Niclasen: Meira gjøgnumskygni
Høgni í Jákups­stovu: Eg skilji báðar partar
Miðvika við Kára P. Højgaard (4) - Gestur: Henning Bøgesvang
Hol sett á arbeiði undir Høganesi
Hendingin í Miðvági í gjárkvøldið: politiið hevur sent hetta tíðindaskriv út
Hetta er nýggi havnarfútin í Vestmanna
Jóla­pakkar­nir eru góðir, hóast allir eru til mannfólk
Pávakirkjan snávar frá eini gølu til aðra
Jødisk-kristin mentan og etniska býtið av Nobel-vinnarum
Fleiri idiotiskir spádómar um annað enn veður
Georg L. Petersen: Innihaldið í samrøðuni eigur út til fólkið
Skattamálið snýr seg ikki um boðberan
Útlendingar í USA sendu í fjør USD 160 mia til familjur heima
TALUFRÆLSI
Eigur tú tveir lastbilar til Landsverk ?
Jødar umhugsa at fara úr Bretlandi
Strandferðslan: Nærum øll koyring og sigling avlýst vegna veður
Lands­stýrið stevnir KvF
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi