Føroysk Miðlafólk og Føroya Arbeiðsgevarafelag hava gjørt nýggjan tvey ára sáttmála
Í gjár, hin 15. november, skrivaði Føroysk Miðlafólk undir nýggjan tvey ára sáttmála við Føroya Arbeiðsgevarafelag. Sáttmálin kemur í gildi fyri sáttmálan, ið fór úr gildi 1. november.
Lønarkarmurin hesaferð, ásettur av arbeiðsgevarunum, er 3,26% fyrra árið og 2,56% seinna árið.
Tá avtornaði gjørdu vit ein sáttmála við høvuðsprinsippinum, at faklærd í okkara yrki skulu hava størsta ágóðan. Tað skrivar Føroysk Miðlafólk á sínum facbook vanga.
Nýggi sáttmálin hevur við sær, at tað eru tey faklærdu, sum fáa størsta ágóðan. Byrjunarlønin hjá einum faklærdum hækkar úr 26.436 kr. upp í 27.590 kr. um mánaðin 1. november í ár. 1. november næsta ár verður hon 28.296 kr.
Endalønin hjá faklærdum miðlafólkum hækkar úr 30.252 um mánaðin upp í 31.589,21 kr. 1. november í ár. Og 1. november næsta ár er endalønin hjá miðlafólkum á privata arbeiðsmarknaðinum 32.705 kr.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur