Kári fingið nýggjan "Post" Hann verður útvarpsmaður.
Hann stillaði ikki upp til seinasta løgtingsval og gavst í politikki. Síðani tá hevur hann nýtt tíðina til ymisk áhugamál. Hann hevur súkklað og gingið langar túrar, og ikki minst hevur hann vitjað ymisk undirhús, sum eru á Skálafjørðinum
Nú bara stutta stund eftir løgtingsvalið hevur Kári P. Højgard valt at royna nýggja leiðir. Kári er ein fongur fyri eitthvørt arbeiðspláss, tí hann kennir sera nógv fólk og hevur ikki trupulleikar at samskifta, hvørki við høg ella lág.
Flest allir føroyingar kenna Kára P. Højgaard, hann er eitt sera positivt menniskja, lættur í sinni og tað hjálpir óivað í nýggja starvinum, sum ikki er eitt heilt vanligt 8 til 17 starv.
Stutt um Kára P.Højgaard:
68 ára gamli fyrrverandi sjálvstýristingmaður, varð valdur á ting fyrstu ferð í 2002. Hann var formaður fyri Sjálvsstýrisflokkin árini 2003-2010 og aftur frá 2011 til 2015.
Í 2011 var Kári P. Højgaard tilnevndur landsstýrismann í innlendismálum, men bara tvey ár seinni varð hann loystur úr starvinum orsaka av avtaluna við CIP, Copenhagen Infrastructure Partners, í sambandi við Eysturoyartunnilin.
Til valið í 2015 fekk Kári P. Højgaard 352 atkvøður, men til valið í ár valdi hann ikki at stilla upp. Hann valdi - sum hann tók til - at fara, meðan hann fann hurðina sjálvur.
Nú tekur hann við nýggjari avbjóðing sum útvarpsmaður á R7, við áhugaverdari sending hvønn mikudag frá klokkan 13 til 15, fyrstu ferð nú mikudagin 20. nov. 2019.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur