Ætlanir eru um at gera eitt nýtt kamping-pláss í Skálavík. Tað eru Eynar Martin Kjærbo, bóndi, sum saman við Martin Kúrberg og Skálavíkar kommunu standa fyri verkætlanini. Tað skrivar sa2.fo, sum er ein portalur við tíðindum úr Sandoynni. 

Kamping-plássið verður gjørt við vindverju og við øllum nútímans hentleikum, sum krevjast á einum slíkum plássi. Ætlanin er at arbeiða skjótt, og tá øll loyvir eru komin uppá pláss, verður farið til verka, skrivar sa2.fo.