Kunning frá IRF um rottangatøming í Rituvík og Æðuvík
Reinsitænastan hjá IRF er byrjað at tøma rottangar í Rituvík, og síðan fara teir til Æðuvíkar.
Tað er ein ómetaliga stór hjálp hjá IRF, at rottangarnir eru klárir, tá teir koma á staðið. Tað sparir bæði borgarum og IRF nógva tíð og nógv stríð.
IRF heitir tí á fólk í bygdunum um at tryggja:
at tangin er lættur at koma til
at tað er grivið væl frá rundan um lokið
at lokið er væl fest, men lætt at loysa
at lokið er trygt og heilt
at lokið er lætt at festa aftur, tá ið arbeiðið er liðugt
Eru omanfyri nevndu viðurskifti ikki í lagi, verður tangin ikki tømdur. Meira kann lesast um hetta á www.irf.fo/rottangatoming
Reglugerðin sigur harumframt, at eigarin av rottanganum hevur til eina og hvørja tíð ábyrgd av, at tangin er í góðum standi og ikki er til ampa fyri fólk og umhvørvið. Hetta inniber millum annað, at fólk og fæ trygt kunnu ferðast tvørtur um rottangan, eisini eftir at hann er tømdur.
Tá ið tangin er tømdur, leggur IRF ein lepa við árstali undir lokið á tanganum.
Mest lisið í farnu viku
Samband
Heygsvegur 8
490 Strendur