Innflutt skip fyri meir enn hálva milliard
Innflutningurin av vørum vaks hálva milliard krónur síðsta ár, frá oktober 2018 tll septembur 2019. Hetta er tá samanborið verður við árið framanundan.
Størsti vøksturin er í innflutningi av skipum, har vit hava innflutt fyri næstan 600 mió. kr. seinastu 12 mánaðirnar. Undanfarna ári var bara influtt fyri 11 mió. Tað skrivar Hagstova Føroya á heimasíðu síni.
Um vit ikki telja skipini við í innflutningin av vørum, var innflutningurin áleið tann sami seinasta árið sum undanfarna ár.
Tølini fyri undanfarna ár vísa eisini eina stóra minking í innflutninginum av maskinum og amboðum og eisini er nakað minni innflutt av byggitilfari.
Hinvegin er meir innflutt av tilfarið til annan ídnað og eisini er innflutningurin av fóðri vaksin, skrivar Hagstova Føroya.
Mest lisið í farnu viku
Samband
Heygsvegur 8
490 Strendur