Havi loyvt mær at koma við hesi útsøgn!
Eg komi aftur til orðini, sum Poul Schlüter, fyrrvernadi dugnaligi danski forsætisráðharri, einaferð segði: "I Danmark har vi den lovgivende, den dømmende og udøvende magt, og så har vi den fjerde statsmagt (pressen) som vi kan kalde den fordømmende".
Tá eg lurti og lesi "pressuna" - bæði donsku og føroysku - og so leggi ófólkaligu FB-mótmælini móti Jenisi av Rana, uttanríkisráðharra, afturat henni, koma orðini hjá Schlüter mær í hug.
Lat meg fyrst siga, at eg langt frá altíð eri samdur við Jenisi av Rana, so haldi eg hann má hava loyvi til at koma við útsøgnini um eitt ynski um eina sendistovu í Jerusalem, sum mær dámar, men sum eg vitsti, at hann "fór at fáa sína sak fyri", fyri at verða útspiltur bæði av dønum og føroyingum - sum hava reypa um í mong ár, - at "vit eru ein kristin tjóð" - hvat tað so er?
Vit hava sendistovu í Kina, sum ger við fólkið, sum einaræðið nú finnur fyri gott. - Hongkongbúgvar koma at leggja seg skerflatar í næstu framtíð. Her er bara spurningur um tíð frá demokratii til einaræði.
Øll londini kring Ísrael eru einræðislond, sum við sínum 100 mió íbúgvum í 70 ár hava gjørt royndir av at tilonkisgera demokratiska landið Ísrael, sum hevur bygt seg upp.
At hava Svøríki sum fyridømi, at hesir hava góðkent Palæstina. Haldi ikki,at Svøríki er fyrimynd í somáta, hóast dugnaligir í aðrar mátar. So at siga í føroysku pressuni, at orðini hjá Jenisi av Rana "eru farin um allan heimin". - Kann hendan fámenta tjóðin gera eina heimskollvelting"? - Máti skal vera við!
Havi loyvt mær at koma við hesi útsøgn! - Havið allir føroyingar tað gott í okkara demokratiska landi!
Jógvan við Keldu
Mest lisið í farnu viku
Samband
Heygsvegur 8
490 Strendur