Nú fer Sea Shepherd eftir laksaalarum
Sea Shepherd og Paul Watson fara nú eisini at leggja eftir laksaalarum kring heimin. Paul Watson sigur við norska miðilin, Intrafish, at Sea Shepherd fer at royna at steðga allari laksaaling kring heimin.
“Vit kunnu og vit fara at steðga alingini,” skrivar Paul Watson í einum teldu-boðum til Intrafish.
Á facebook greinar Watson ætlanina at steðga allara laksaaling nærri. Hann heldur uppá, at laksaaling er ein vinna, sum ger seg inn á umhvørvið. Alingin oyðileggur vistskipanina, og í seinasta enda eitrar hon forbrúkaran.
Paul Watson sigur, at ein grein í Intrafish herfyri skal hava prógvað, at ekki er komin á vinnuna, tí alivinnan veit, at Sea Shepherd ætlar at oyðileggja hana.
“Vit fara at halda fram við náðileysa, áhaldandi og kraftarmikla arbeiði okkara í móti brotsverkunum, sum verða framd móti vistfrøðini og mannaættini,” sigur Paul Watson.
Umboð fyri Sea Shephard eru í løtuni í Kanada, har tey royna at órógva kanadiskar alarar. Ein kanadiskur miðil sigur við Intrafish, at kikarin hjá Sea Shepherd avgjørt peikar meira móti alivinnuni, og felagsskapurin roynir eisini at útvega sær fígging til júst hetta endamálið.
Umframt átøk í Kanada og Norra, ætlar Sea Shepherd í hesum umfarinum eisini at fara til Tasmania at órógva laksaalingina har.
Mest lisið í farnu viku
Samband
Heygsvegur 8
490 Strendur