Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Politikarar skapa vinnukarmar - vinnan avgerð íløgurnar

Fiskivinna, Lesarabrøv, Politikkur | 27/11-2019 21:00

Tað er vorðin ein ivasamur politiskur retorikkur, at nakrir politikarar fleiri ferðir í seinastuni hava víst á, at tá enn “ein nýggj” fiskivinnulóggáva er komin upp á pláss, ja so er at fara í gongd við nýíløgur. At skapa vinnukarmar er í lagi, men beinleiðis at fara alment út við einum boðskapi um, at .... nú kunnu tit fara undir nýíløgur, nú er klárt - tað kann verða vandamikið
Tað er ikki uppgávan og leikluturin hjá politisku skipanini at eggja vinnuni til nakað ítøkiligt, men bara at skapa neyðugu búskapar- og vinnukarmarnar - hartil gongur markið. Nú nýggj fiskivinnulóggáva er til politiska viðgerð verður farið enn víðari í retorikkinum við at selja hesa lóggávuna soleiðis ... nú gera vit tað so gott, og tí vænta vit politikarar, at tit í fiskivinnuni gera íløgur í nýggj og betri vinnutól ella fiskifør.
Hugsi tykkum, at leiðslurnar í vinnuni lurta ókritiskt eftir politisku skipanini og fara undir umfatandi íløguvirksemi, og síðan gongur galið á teimum økjum, har vit onga ávirkan hava, t.d. altjóða marknaðurin minkar fyri okkara vørur, prísirnir á útflutningsvørum lækka, rentan hækkar, oljuprísirnir hækka - og ikki minst vit fáa fiskaloysi ella stóra afturgongd í fiskastovunum, eins og tað vit hava upplivað seinastu nógvu árini við botnfiskinum undir Føroyum.
Henda t.d. munandi broytingar í fiskastovnunum, vil trýstið á politisku skipanina gerast serliga stórt um at fáa størri kvotur, fleiri fiskidagar o.a., nú politiska skipanin hevur eggjað til nýíløgur - og við tí grundgeving, jamen tit eggjaðu til at gera nýíløgur, men fortreytirnar fyri forrentning eru broyttar, so nú mugu tit eisini taka um endan.
Mín boðskapur er, at vinnan sjálv skal taka hesar strategisku avgerðirnar um nýíløgur og útvegan av eginkapitali, meðan politikarar skulu skapa lógarkarmar og bankarnir útvega fígging. Í síðsta enda eru tað kundarnir ella marknaðurin, sum ger av um tiknu strategisku avgerðirnar hjá fiskivinnuni eru rættar ella kappingarførar.
Tað vildi eisini veri skeivt og burturvið, at politikarar heittu á byggifyritøkur í Føroyum um at keypa inn ella gera íløgur í nýggjar gravkýr, dumparar ella heysikranar, og t.d. ikki gera íløgur í brúkt vinnutól.
Er tað soleiðis, at ov fáar nýíløgur verða gjørdar í fiskivinnuni, so er væl ein orsøk til tað - og teirru støðuna og vantandi strategisku avgerðina mugu aktørarnar í fiskivinnuni onkursvegna sjálvir ábyrgdast fyri, serliga tá politiska skipanin hevur gjørt sítt fyri at skapa kappingarførar vinnukarmar.
 
Johan Dahl
løgtingsmaður fyri Sambandsflokkin


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Annika Bolton Mortensen
Lýsing
Mest lisið í farnu viku
Vespureiðrið (136) - 2. juni 2020
Jan Lamhauge: Eik-málið átti at verðið roynt í Rættinum
Í dag lat Kunningarstovan í Nólsoy upp
Leiðreglur fyri ferðandi broyttar
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Ógvuslig spreinging á Hoegh bilskipi
Í øðini eftir samrøðu við Trump
JUVÉL 2 - nýggj leiðsla!
RAVI ZACHARIAS - saknaður av føroyingum
LÍV POULSEN ÚR SENEGAL - ein dugnaligur brævskrivari!
Samrøða við Rannvá G. Niclasen um mótmæli og korona í New York
Norð­oyastevna á netinum
Samrøða: Ógvusligar lógir samtyktar í skugganum av korona
Partabrøv til starvs­fólk hjá Bakkafrosti
Úr bandasavni­num: Samrøða við Dávur Jacobsen 3. partur
Jens Andreassen settur sum yvirlækni á Lands­sjúkra­húsinum
Svimji- og baðoasa í Tjaldavík
Tíðindi á R7 klokkan 16:00
BÍBLIU- OG TÓNLEIKATÚRUR - ein annarleiðis ferð
KIRKJUR, SAMKOMU- OG MISSIÓNS­HÚS - nú verður latið uppaftur!
BEINT NÚ - R7 kringvarp sendir beinleiðis frá Norð­oyastevnuni
Hotel Brandan letur upp 1. juli
Sjófólk sleppa ikki í land aftur
Tíðindi á R7 klokkan 12:00
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi