Ein bankastjóri í einum lítlum fjallabýi í Norðuritalia fekk 2 ára fongslul, sum síðan er broytt til treytaðan dóm, tí hann er hampamaður og ikki revsaður fyrr. “Ærligur,” legði dómarin aftrat, tí hann hevur ikki tikið sær sjálvum eina evru.

Gilberto Basciera byrjaði sítt virksemi sum ‘pengajavnari’ eftir bankakreppuna 2009. Tað byrjaði, tá ein maður kom í bankan og bað um eitt húsalán, men átti ikki eginpening. Basciera tókti synd í honum og flutti írestandi upphæddina á umsøkjarans sparikontu av kontuni hjá einum múgvandi viðskiftafólki í bankanum.

Skjótt frættist munn av munni um útjavningina hjá hjartagóða bankastóranum. Ein sakførari í rættinum kallaði bankavirksemi hansara ‘eitt slag av skuggafígging.’

Eisini hampamaður játtaði bankastjórin seg sekan og bedýraði, at hann altíð hevði ætlað at flyta peningin, við fyrsta høvi, yvir aftur til teirra, ið høvdu borið kostnaðin av hansara ‘sosialistiska’ bankavirksemi. Men høvið kom ikki.

“Eg havi altíð hildið, at høvuðsmálið við bankavirki er at verja sparipeningin hjá innlænarum. Men eg havi eisini hildið, at ein banki eigur at hjálpa fólki í trongstøðu,” vardi Baschiera seg í rættinum ímóti ákærunum.

Tað hevur eftir øllum at døma hjálpt Basciera til at fáa fongsulsdómin broyttan til treytaðan dóm.