Nigerianskur uppruddari í korruptión fingið sekkin fyri mutur
Topp embætismaðurin hjá Buhari forseta í Nigeria, sum hevur staðið fyri tí tungu uppgávu at rudda upp í korruptión o.a. siðspillu í landinum, er frákoyrdur undir illgruna og ákæru fyri sjálvur at hava tikið móti mutri.
Okoi Obono-Obla hevur verið leiðari í sonevndu ‘Special Presidential Investigation for the Recovery of Public Property’, serligu nevnd forsetans til at finna fram til og at bera aftur til rætta myndugleika stolna almenna ogn.
Tað hevur verið stórt baks at røkja hesa uppgávu í einum afrikanskum landi sum Nigeria við 200 mió íbúgvum. Landið er býtt í helvt, norðara er muslimsk og sunnara ein ellibiti av kristni og afrikanskum gandakynstri.
Orsøkirnar til, at hesin Okoi Obono-Obla nú fekk sekkin, eru, at hann er undir illgruna fyri sjálvur at hava tikið ímóti mutri, fyri at hava falsað próvskjølini, ið góvu honum førleikan at søkja starvið, fyri fíggjarundandrátt og fyri stuldur av almennari ogn, ið honum var litið til at finna fram til og bera aftur.
Obono-Obla noktar seg sekan og heldur uppá, at politiskir mótstøðumenn, t.m. sjálvur varaforsetin, hava bitið hann í bak fyri at fáa hann úr starvi, so teir sleppa undan at verða avdúkaðir fyri stuldur av almennum ognum og kunnu halda fram ólógliga at fáa fatur á og ræna til sín tjóvagóðs frá tí almenna.
Mest lisið í farnu viku
Samband
Heygsvegur 8
490 Strendur