Heilt nógv fólk høvdu leita sær í Vestmanna kirkju klokkan 19.00 í gjárkvøldið. Á skránni var jólakonsert við Vestmanna kirkjukóri og Fuglafjarðar sangkóri.

Konsertin vardi í útvið tveir tímar, har kórini úr Vestmanna og Fuglafirði skiftust um at syngja, men felagssangur var eisini.

Nú Vestmanna kirkjukór fylti 40 ár og kórleiðarin, Erla Olsen eisini hevði starvast sum organistur í Vestmanna kirkju í meir enn 40 ár, var hon eisini heiðra.

Tað var kirjuráðið sum takkaði henni við gávu og blómun. Vit kunnu skoyta uppí her, at Erla í ár er útnevnd at vera ársins borgari í Vestmanna.  

Aftaná konsertina var ein myndaframsýning úti í forkirkjuni nú kirkjukórið fylti 40 ár. Myndirnr vóru frá ymiskum túrum hjá kirkjukórinum, t.d úr Íslandi, Danmark, Ålandi og kring um í Føroyum.

Kirkjukórið undir leiðslu av Erlu Olsen eisini útgivið eitt band og tvær fløgur.