Durita Fagradal Augustinussen er sett sum mentanar- og ungdómsleiðari í Vestmanna
Durita er sett í starvið sum mentanar- og ungdómsleiðari, og byrjar í starvinum seinni í desember.
Durita Fagradal Augustinussen er 28 ár og býr í Tórshavn. Hon hevur lokið prógv í B.A. í smátjóðir og altjóðagerðum frá Fróðskaparsetri Føroya og tekur nú MSc. í verkætlanarleiðslu frá Arden University.
Starvsroyndirnar hjá Duritu snúgva seg í stóran mun um samskipan og verkætlanararbeiði. Tað seinasta árið hevur Durita verið verkætlanarstarvi hjá Tórshavnar Býarsavni, har hon hevur sakmskipað sýningina hjá Birgari Johannesen og sniðgivið og forrita heimasíðuna.
Í frítíðini hevur Durita royndir sum ungdómsvenjari hjá Havnar Róðrarfelag og Neistanum.
Vestmanna Kommuna bjóðar Duritu hjartaliga vælkomnari í starvsfólkahópin.
Tað boðar Vestmanna kommuna frá í dag.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur