Seppa ikki at gera urskivur við málningi
Býarrætturin í Keypmannahavn hevur við fútabanni staðfest, at føroyingarnir, Dan Thorleifsson og Arne Leivsgarð, sleppa ikki at skera í málningin hjá Tal R og heldur ikki at gera urskivur burtur úr málninginum.
Listarmaðurin, Tal Rosenzweig, vanliga nevndur Tal R, bað í síðsta mánaði Sjó- og handilsrættin um at seta bann fyri at skera í málningin Paris Chic, sum báðir føroyingarnir høvdu keypt, og ætlaðu at skera í flísar at seta í armbandsur.
Í úrskurðinum sigur rætturin, at verkætanin hjá føroyingunum stríðir ímóti lógini um upphavsrætt, tí teir broyta málningin til eitt nýtt verk til almenningin at síggja. Hetta stríðir móti virðisrættinum. Rætturin sigur eisini, at verkætlanin stríðir ímóti marknaðarføringarlógini, skrivar Kringvarpið.
Umframt fútabann, skulu føroyingarnir rinda listarmanninum sakarkostnaðin, sum er góðar 31.000 krónur.
Mest lisið í farnu viku
Samband
Heygsvegur 8
490 Strendur