Á heysti 2017 fingu vit eina vegleiðandi kostnaðarmeting fyri tær stóru arbeiðstøkurnar. Har var málaraarbeiði, múraraarbeiðið, gólvarbeiðið o.a. ikki við í kostnaðarmetingini. Henda vegleiðandi arbeiðstøkan bleiv gjørd áðrenn nakað var tikið niður úr gamla bygninginum, skrivar keyparin tá vit á R7.fo spyrja um projektið.

Keyparin sigur eisini við R7.fo, at teir mettu ikki tað var ráðiligt at taka av eini vegleiðandi kostnaðarmeting, tá ið man ikki vistu hvat goymdi seg av soppi og øðrum millum skins og hold í einum gomlum bygningi.

Keyparin skrivar eisini,  at avrátt var tí við ein arbeiðstakara, at teir fyrst skuldi tøma bygningin, síðan skræða alt gamalt, ið var mett ikki at vera tíðarhóskandi út úr bygninginum.

Uppá fyrispurning frá R7.fo hvussu nógv projektið hevur kosta higartil, skrivar keyparin at "verkætlanin við øllum higartil liggur undir tvær milliónir, har vit hava fingið rudda og tømt bygningin. Kjallarin er grivin út og steinsettur av nýggjum, soleiðis at vit í dag kunnu fáa 6 íbúðir inn í bygningin og ikki 7 sum uppruna hugskotið legði upp til".  

Keyparin er Bústaðir, sum keypti gomlu kommunuskrivstovuna í Vestmanna fyri bara 16 krónur. Tað er svarið vit á R7.fo fingu, tá vit spurdu um keypsprísin. Tað skal sigast, at tað er heilt vanligt at kommunur selja fyri slíkar prísir, tá keyparin er tað almenna. 

Vit spurdu eisini Bústaðir nær tað kann væntast at projektið verður liðugt.

Andrass Rón stjóri sigur  " tá ið sáttmáli er gjørdur við arbeiðstakara, so ber til at siga, hvussu leingi tað tekur at byggja gomlu kommunuskrivstovuna upp aftur til leigubústaðarbygning við 6 íbúðum í. Viðvíkjandi prosjektkostnaði so fáa vit tað at vita, tá ið klárt er at skriva undir sáttmála.

Hvussu nógv væntast projektið at kosta ?

Stjórin svarar soleiðis  "tá ið sáttmáli er gjørdur við arbeiðstakara, so ber til at siga, hvussu leingi tað tekur at byggja gomlu kommunuskrivstovuna upp aftur til leigubústaðarbygning við 6 íbúðum í. Viðvíkjandi prosjektkostnaði so fáa vit tað at vita, tá ið klárt er at skriva undir sáttmála".

R7.fo fylgir málinum.

Les eisini https://r7.fo/news/21355/myndarod-rokir-bustadir-sinar-skyldur-i-vestmanna 

Myndirnar omanfyri eigur Bústaðir.