Regin Jacobsen er næststørsti eigari í Bakkafrosti
Higartil hevur Oddvør Jacobsen, einkjan eftir Hans á Bakka, verið størsti privati eigarin í Bakkafrosti, og næststørstur hevur verið sonurin og stjórin í Bakkafrosti, Regin Jacobsen verið. Men nú hevur Regin Jacobsen yvirhála mammu sína.
Størsti eigarin í Bakkafrost í dag er kortini norski grunnurin, Folketrygdfondet, sum eigur 8,74% av partabrøvunum. Honum á baki kemur nú stjórin á Bakkafrosti, Regin Jacobsen, hann eigur 7,92% av partabrøvunum.
Triðstørsti eigarin í Bakkafrosti er mamma stjóran, Oddvør Jacobsen. Hon eigur 7,88% av partabrøvunum.
Eigaraviðurskiftini eru sjálvandi broytt, síðan Bakkafrost keypti stóra skotska alifyritøku, og tí eru ymiskar forskjótingar ivaleyst farnar fram.
Um vit taka nakrar av næstu eigarunum, so komar teir í hesi røð - eftir stødd:
Nummar 4: Dolfin Financial Ltd. við 3,7% av partabrøvunum.
Nummar 5: Nordea Bank við 3,10 prosentum av partabrøvunum.
Nummar 6: State Street Bank and Trust Company við 2,44 prosentum av partabrøvunum.
Nummar 7: The Bank of New York Mellon við 1,73 prosentum av partabrøvunum.
Nummar 8 og 9: State Street Bank and Trust Company.
Og nummar 10 við 1,49 prosentum kemur NN Paraplufonds.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur