Closed for Maintenance vann Evropiska virðisløn í Lissabon
Closed for Maintenance átakið hjá Visit Faroe Islands var í uppskoti - og vann - viðurkenda virðisløn í greinini "ferðaátøk" á European Excellence Awards í Lissabon, Portugal, sum var fríggjadagin.
European Excellence Awards eru virðislønir, sum verða handaðar fyri framúrskarandi útinnan av PR og kommunikatión í øllum Evropa. Hesar virðislønirnar byrjaðu av fyrstan tíð í 2007.
Tað eru nógvir ymiskir flokkar, sum á hvørjum ári verða heiðraðir. Visit Faroe Islands vann í ár fyri átakið Closed for Maintenance í flokkinum "Ferðaátøk", á enskum Travel & Tourism.
Ein nevnd hevur tveir dagar at velja allar vinnararnar, burturúr eini rúgvu av uppskotum.
Closed for Maintenance átakið snýr seg um at steingja mest vitjaðu ferðafólkamálini í Føroyum eitt vikuskifti um árið. Hetta vikuskiftið hava ferðafólk møguleikan at melda seg til sjálvboðið arbeiði at viðlíkahalda støð ymsa staðni í landinum, sum treingja til eina hond vegna nógva ferðafólkavitjan.
Closed For Maintenance verður aftur í apríl 2020.
Starvsfólk hjá Visit Faroe Islands, Vanja Davidsen og Alda Egilstrøð Magnussen, tóku ímóti virðislønini í Lissabon.
Mest lisið í farnu viku
Samband
Heygsvegur 8
490 Strendur
Starvslýsingar
Myndarøðir
Lesarabrøv









Savnið




















Nýggjastu tíðindi











