Vinnararnir sleppa at búgva á hotellinum í tríggjar dagar og tvær nætur. Har sleppa tey eisini at royna ymisk tiltøk -sjálvandi við Nutella í miðdeplinum. Millum annað kunnu tey læra at gera mat við kendum kokkum frá matarsjónvarpsstøðum, so sum Geoffrey Zakarian, kokkur á Food Network, ella Tanya Holland, "Top Chef" á støðini Bravo. 

Ein onnur kend matvøruketa í USA, Taco Bell, gjørdi eitt líknandi lýsingabragd í august, har tey bjóðaðu eitt fýradaga uppihald á einum "Taco Bell" hotelli í Palm Springs í Kalifornia. Byrjanarprísurin var settur til 250 dollarar, einar 1.600 danskar krónur, fyri náttina. Tá vóru kømurini útseld eftir bert tveimum minuttum.

Kappingin at vinna eitt uppihald á Nutella hotellinum endar 8. desember.