Stóra tangaskipið, sum varð álopið hesaferð, er skrásett í Hong Kong. 

Sjey av manningini eru sambært trygdarfelagnum, Dryad Global, framvegis umborð á tangaskipinum.

Álopið varð framt týsnáttina, eftir at tangaskipið var farið frá Bonny Offshore Terminalinum - fulllastað við ráolju.

Sambært Dryad Global er tað fjórðu ferð í ár, at tað eydnast sjórænarum at gjøgnumføra eitt álop og at taka manning sum gíslar á hesi somu farleiðini, skrivar Maritime Danmark.