Kopparnir sum fyritøkan Twiice hevur gjørt, eru framleiddir úr bisotti - harðar smákakur - við vaniljusmakki. Tað verður eisini sagt, at kopparnir eru vatntættir.

Air New Zealand bjóðar fleiri enn átta milliónir koppar av kaffi um árið, og ynskja tí at minka um oyðsl og skrell, sum endar á ruskplássum.

Men onkur viðmerkjari vil vera við, at einans at broyta kopparnar er ikki tað sama sum at plikta seg og taka ábyrgd fyri umhvørvinum.

Í tíðindaskrivi frá Air New Zealand stendur, at kaffikopparnir verða royndir "í luftini og á jørðini" í eini roynd at finna "nýskapandi vegir at gerast meiri burðardygg í mun til umhvørvisavbjóðingarnar".

"Kopparnir hava fingið góða móttøku millum kundarnar, sum hava roynt teir, og vit hava eisini brúkt teir sum dessertskálir," segði Niki Chave frá Air New Zealand.

Viðstovnarin av Twiice, Jamie Cashmore, segði at kopparnir "kunnu møguliga hava eina rættiliga jaliga ávirkan á umhvørvið".