Eftir at triðja og seinasta umfarið í úttøkukappingunum í inniróðri er farið aftur um bak, hevur Róðrarsambandið saman við landsliðsvenjaranum, Magnusi Debess Madsen, tikið út rógvarar, sum skulu umboða Føroyar í DM, EM og HM.

Tey vaksnu fara at luttaka í EM, sum verður í Prag 11. januar 2020, og í HM, sum verður í París í døgunum 7.-8. februar 2020.

Yngru rógvararnir fara at luttaka í DM, sum verður í Gladsaxe 18. januar 2020. Tað skrivar Ròðrarsambandið á heimasíðu síni.

Úttikin at umboða Føroyar til EM og HM eru: 

Sarita K. Hansen, Róðrarfelagið Knørrur

Elsa Magnussen, Kappróðrarfelagið NSÍ

Bergur Dam Jensen, Kollafjarðar Ítróttarfelag

Dánjal Martin Hofgaard, Vágs Kappróðrarfelag

Brandur Kjølbro, Klaksvíkar Róðrarfelag

Úttikin at umboða Føroyar til DM eru: 

D12 – Nóa Rúnason, Vágs Kappróðrarfelag

G13 – Elisabeth A. Sigurðsson, Klaksvíkar Róðrarfelag

D13 – Niels Juul A. Poulsen, Froðbiar Sóknar Róðrarfelag

G14 – Bára Wang Olsen, Sørvágs Róðrarfelag

D14 – Regin M Henriksen, Sørvágs Róðrarfelag

D14 – Magnus P. Midjord, Havnar Róðrarfelag

D15 – Petur Fróðason, Havnar Róðrarfelag

D16 – Mattias Durhuus, Hósvíkar Róðrarfelag
Category: Tið