Nýggj útgáva av "Frøði"
Blaðið "Frøðið" er júst komið á marknaðin. Niðriundir sæst nakað av innihaldinum í nýggjastu útgávuni:
- Karin Margretha H. Larsen, Sólva Eliasen og Lis Mortensen skriva um, hvat tað var sum hendi 29. og 30. juni 2019, tá óvanligu flóðaldurnar raktu Føroyar.
- Jón Aldará og Jens-Kjeld Jensen greiða frá kanningum um gongdina hjá æðu, teista og heiðafugli í Nólsoy.
- Eyðfinn Magnussen skrivar drúgva grein um føroysku haruna og haruveiðuna seinastu árini.
- Karin Jóhanna L. Knudsen skrivar grein, ið hon nevnir Konseptið Føroyar. Í greinini seta føroyskar konur orð á, hvat eyðkennir flyting hjá føroyskum konum millum Føroyar og Danmark.
- Jóan Pauli Joensen hugleiðir um lippukassamentan og sjálvdrátt.
- Ingilín D. Strøm skrivar um nøktandi tørv á argumentatión í einum fólkaræði.
- Jens-Kjeld Jensen hevur eygleitt námsvespuormverur, sum halda til í bløðum á dúnbjarkartrøum og sitkaelristrøum.
- Eyðfinn Magnussen hevur granskað føroysku rottuna og ein av niðurstøðunum er, at rottan kom til Føroya í trimum umførum.
Mest lisið í farnu viku
Samband
Heygsvegur 8
490 Strendur