Nýtt videolag við Terja Rasmussen og nólsoyingum
"Ein klókur maður segði einaferð: Man verður ongantíð liðugur men ein tíðin er at gevast. Livst, so sigst." Tað skrivar Terji Rasmussen á Facebook í samband við at hann kemur við einum nýggjum sangi.
Terji Rasmussen er kendur sum solistur og úr bólkum sum Føstufressar, Moirae og Frændur. Tað eru nýggju ár síðani seinast Terji Rasmussen lat frætta frá sær við eini nýggjari útgávu.
Nýggja lagið kallast »So sigst«. Terji Rasmussen hevur skrivað og gjørt lagið. Niclas Johannesen hevur framleitt sangin.
Ein tónleikavideo er eisini gjørd til lagið. Hon er filmað í Maggies í Nólsoy við luttøku av nólsoyingum. Seinastu árini hava Terji Rasmussen og kona hansara, Margreth, rikið skeinki- og spælistaðið Maggies í Nólsoy. Tað er tó nú latið aftur. Tónleikavideoin til nýggju sangin frá Terja Rasmussen kann síggjast í leinkjuni her.
So Sigst!
Orð: Trad./Terji Rasmussen
Lag: Terji Rasmussen
Produserað: Niclas Johannesen
Mix og mastering: George Tanderø
Vocal og akk. Guitar: Terji Rasmussen
Guitars: Niclas Johannesen
Trummur: Matt Chamberlain
Bass: Johannus á Rógvu Joensen
Kór: Kaj Johannesen
Strings: F.A.M.E'.S Orchestra
Conductor: Oleg Kontradenko
Mest lisið í farnu viku
Samband
Heygsvegur 8
490 Strendur