Normeringin til dagstovnaøkið í Tórshavnar kommunu er ikki hækkað í 18 ár
Í fíggjarætlanini fyri 2020 hevur Tórshavnar kommuna hækkað normeringina til dagstovnaøkið við 4,5 milliónum og við 3 milliónum til eldraøkið. Hetta er fyrstu ferð í 18 ár at normeringin til dagstovnaøkið hækkar. Tað skrivar Gunvør Balle, varaborgarstjóri, á Facebook.
Síðani 2017 eru útvegað umleið 140 dagstovnapláss og umleið 70 fyribilspláss. Í 2020 verður roknað við samanlagt 75 fleiri børnum í dagansing. Tað er sera gleðiligt at so nógv børn eru flutt til kommununa, men økta talið hevur sjálvsagt lagt eitt stórt trýst á dagstovnaøkið og torført er frammanundan at fáa starvsfólk í hesum góðu tíðum, sigur Gunnvør Balle.
Normeringin kemur at merkja fleiri tímar til hvørja stovu. Dagstovnaleiðarin ger av, hvussu hægra normeringin verður brúkt – um hon fer til fyrireikingartíð ella til fleiri starvsfólkatímar.
Eldraøkið hevur somu avbjóðingar sum dagstovnaøkið, at starvsfólkini mugu renna sera skjótt. Normeringin til eldraøkið er tí eisini hækkað við trimum mió í 2020 og tað kemur at merkjast við at tað vera fleiri hendur og betur umsorgan til tey eldru, sigur varaborgarstjórin í Tórshavnar kommunu.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur