Landsverk ávarar bilførarar at ansa eftir, tí koyrilíkindini eru ring nógvastaðni í løtuni. Koyrandi er ikki eftir Oyggjarvegnum, sum er stongdur. Á Gjáarskarði er upp í 37 m/s í hvirlunum og hált er kring alt landið - nógvur kavi er niðurkomin, tað er vindur, og tað rýkur.

Strandferðslan boðar frá, at øll koyring í dag er avlýst. Undantakið er í Suðuroy, har leið 700 og 701 fara at koyra.

Á ssl.fo verður sagt, at eingin sigling verður úr Hvannasundi og til Svínoyar og Fugloyar sunnudagin, og at eingin sigling verður til Nólsoyar fyrrapartin og seinnapartin. Fyrsti túrur hjá Ternuni verður av Havnini sunnukvøldið klokkan 19.00. Smyril fer ein túr til Suðriar kl. 11 og tað verður møguliga seinasti túrur hjá Smyril í dag.