Donald Trump gav talibanum ein rimmar hvøkk á vitjan í Kabul
Meðan teir Trump-hatska miðlarnir í USA prentaðu falssøgur um forsetan um, hvussu hann spilti tíðina ta stóru høgtíðina í USA, Thanksgiving, fleyg Trump í loynd tvørtur um hálvan knøttin at vitja amerikanskar hermenn í Afghanistan.
Fagnaðurin var stórur, tá flogfarið lendi, og forsetin át kalkun saman við hermonnum í eini risa kantinu á eini hernarstøð í afghanska høvuðstaðnum.
Eftir hesa óvæntaðu vitjan fór Trump á fund við afghanska forsetan um, at hansara stjórn og tjóðarting máttu átaka sær størri part av verjuni, tí at Trump hevur lovað veljarunum, at fleiri amerikanskir hermenn verða tiknir heim.
Undir fagnaði og fundum á hesi sjáldsomu Thanksgiving høgtíð hendi nakað annað og væl meiri óvæntað enn sjálv forsetavitjanin úr Amerika.
Meðan tað ongan vardi, flugu B-52 bumbuflogfør við jagarafylgjum suðureftir móti Helmand landslutinum, har talibanar ráða, og bumbaðu fleiri heroinverk-smiðjur í Telmand, sum fóru í sandasor, og ein hópur av terroristum, í ferð við at drukna vestanlond í heroini, fóru express til heljar.
Bumbubrestirnir og spreingingarnar gjørdu so nógv um seg, at myndirnar fingu ein at hugsa, at ovaru luftløgini vórðu tømd fyri CO2, og at dust av afghanskum sandi og heroini fyltu ozonlag og stratosferu við narkotika.
Amerikanskar stjórnarkeldur siga annars alment, at Pentagon hevur fingið boð frá Hvítu Húsunum til av øllum alvi at tippa og turka allar pengakeldur hjá Talibanum, og ímillum tær keldurnar telja narkoverksmiðjur mest.
Henda fráboðan um ameirkanskt kríggj ímóti islamskum narkotika hevur styrkt tey mongu í Vestanlondum, ið halda, at okkara politikarar hava boygt seg ov nógv fyri politiskt korrektum krøvum um spekt og sóma ímóti brotsfólki.
At handla heimsins bagbeist við floyalshandskum hevur sín uppruna í Geneve-samtyktini, ST-viðtøkum og humanismu, ið favorisera brotsmenn, ISIS o.a, meðan ov lítið verður gjørt fyri at verja ofrini, vanlig hampafólk, fyri yvirgangi.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur