Ein grundregla hjá Andøvsløtuni er, at Føroyum og heiminum tørvar nøkur vís akademisk høvd. Hin vegin er ein onnur grundregla her í húsinum, at nakrar útsagnir eru so burturvið, ja idiotiskar, at bert ein akademikari kann finna uppá ella trúgva hesum niðurstøðum. Altso eru fleiri hønur við akademiskum prógvi enn í flestu øðrum yrkisbólkum, har vanligt vit og skil er neyðugt og má ráða.

Tað er á fáum akademiskum virkisøkjum, at so nógvur dárskapur ella rætt og slætt svindul (við pengavinningi fyri eyga) ræður sum millum klimafasistar.

Næst seinast endurgóvu vit nøkur óbetalilig dylhøvd, ið lósu heimsins dóm og deyða yvir mannaættina. Øll høvdu til felags, at spádómar um heimsins undirgang nú er mótprógvaðir ferð eftir ferð eftir royndir.

Ein av teim vísmonnum, Andøvsløtan ofta endurgevur, er Walter E. Williams, professara í búskapi og samfelag (svartur) á Mason University í USA.

Hann skrivaði herfyri til stóran gleim og gaman hjá okkum ivasomu um skilið á veurlagsvargum kring heim (fyri $ 2 bill íalt í løn og granskingarstuðli árliga).

Latum okkum njóta til fulnar nøkur dømi aftrat um serfrøðiligt høsnavit:

1. Harrison Brown, professari á National Academy of Science í USA skrivaði í ‘Scientific Amer’, at “mannaættin verður í uppisetri fyri kopar seinast í 2000.”

2. Sami professari yvirgekk seg sjálvan stutt eftir við hesi niðurstøðu í sama vísindablað: “Heimsins blýggj, sink, tin, gull og silvur verða uppi fyri 1990.”

3. Ein akademisk kúla burturav, Kenneth Watt, prof, ávaraði, at “Seinast í 2000 við verandi nýtslu (1975) er øll heimsins ráolju í jørðini uppi.”

4. Longur afturi, í 1939, tá USA framleiddi og ráddi yvir 70% av allari heimsins olju, segði innanríkisráðið í USA, at tess oljugoymslur vórðu tómar um 13 ár. ((forrestin tapti Hitler kríggið, tí Týskland onga olju átti í móti Sovjet),

5. Aftur í 1949 endurtók Innanríkisráðharrin, at botnurin á øllum oljukeldum í USA var náddur heilt skjótt.

6. Uttan at hava lært nakað av skeivum forsøgnum segði sama orkumálaráð í 1974, at US Geological Survey væntaði bert at hava til 10 ár av ráolju eftir.

7. Orkumálaráðið í Washington boðaði frá 1. Januar 2017, at í amerikanskari jørð liggja prógvaðar goymslur av gassi til 100 ára nýtslu, umframt annað slíkt av ráolju í prógvaðum goymslum í skiferfláum, alt er tøkt við eitt nú ‘fracking’.

Tað løgna og harmiliga er, skrivar Walter E. Williams, eisini váttað av Paul Driessen, orkuserfrøðingi, at fólk í dag skuldu vitað so nógv meiri enn fyri 40-70 árum síðan, og tí ikki latið okkum villleiða nógv lættari enn foreldur okkara.