Omar al-Bashir búraður inni í rættarhøli fyri mutur
Sudan man teljast ímillum heimsins fúlastu ránsmannabøli á markinum millum arabisk og afrikansk lond, Egypt fyri norðan og Etiopia fyri sunnan.
Fyri 10 árum síðan fór landið í tvíningar, muslimska Sudan og oljuríka Suðursudan (ein blanding av kristni og woodoo) eftir drúgt borgarakríggj. Borgarakríggið hevur síðan skilnaðin hildið fram í Suðursudan, ið onga stjórn hevur havt í áravís, bert stríðandi fólkaættir.
Sudanski einaræðisharrin farnu 30 árini eitur Omar al-Bashir, er 75 ára gamal. Hansara harðrenda stýri er tað næsta, ið menniskju koma politiskum, búskaparligum og sosialum barbaríi. Sudan er 1,9 mió km2 (= Vesturevropa).
Fólkatalið er 45 mió arabiskt/afrikanskt, og miðal inntøkan í Sudan er 30 kr um dagin pr íbúgva.
Herfyri tók hervaldið róðrið í Sudan, eftir at hermegin breyt eina avtalu við stjórnina hjá Bashir í fjør og fongslaði gamla leiðaran.
Bashir verður nú malin í grús í rættarkvørnini í Sudan, har rættarskipanin man kjálka upp at Sharia-lóg. Rættarmálið fer fram í høvuðstaðnum Khartoum.
Bashir situr innilæstur í einum búri við stálmeskum og eini mikrofon til at verja seg við. Ákærupunktini snúgva seg mest um mutur og siðspillu.
Løgreglan rannsakaði privatu borgina hjá Bashir eftir handtøkuna og fann eina risa upphædd av reiðum peningi í kornsekkjum. Bashir hevur viðgingið seg sekan í at hava tikið ímóti $ 90 mió (t.e. 500 mió kr) í mutri frá saudiskum kongligum sjeikum aftur fyri, at teir sluppu at brúka tað risa stóra Sudan til at ríka seg upp.
Nú hevur hervaldið gjørt eina avtalu við eina sivila stjórn, at teir skulu býta valdið ímillum sín, til teir finna fram til eina nýggja stýrisskipan, ið hóskar til eitt tilafturskomið islamskt hundabøli.
Mest lisið í farnu viku
Samband
Heygsvegur 8
490 Strendur