Kina fekk kjaftfisk í Hong Kong, men hótta og avpressa enn meiri
Undantikið kinverjar kennir eingin valdshóttanina frá kommunistisku stjórnini hjá diktatorinum fyri lívið, Xi Jin-peng, betur enn kinverjar í Hong Kong og Taiwan. Reyða Kina er fólkaríkasta, 1.400 mio, og 3. størsta land til ummáls, 9,6 mió km2. Hong Kong telur 7 mió fólk og er sum hálvar Føroyar í vavi.
Kina og Hong Kong eru 1 land og 2 politiskar skipanir smbr altjóða avtalu, sum London og Beijing undirskrivaðu í 1997, og sum varar í 50 ár til 1947.
Hong Kong er fólkastýrt við fríum búskapi og tí millum heimsins ríkastu lond.
Kina er kommunistiskt harðræði, men hevur loyvt marknaðarskipan fram við strondini. Tann frígering hevur síðan 1980 skapt veldug virði, sum Beijing hevur stýrt hart, so Kina nú hevur keypt (mutrað) ein hóp av 3-heims londum í Afrika og oyggjar í Kyrrahavi og teirra leiðarar til at draga Beijingsa línu.
Kommunistiska harðræðið vakir elektroniskt yvir hvørjum borgara, ið øll verða lønt og revsað eftir eini stigaskipan. Revsing fyri ólýdni móti kommunistisku leiðslu landsins kann verða fangalegur, har tey treiskastu verða fongslað, siðan innløgd, doyvd, gøgn tikin úr teimum og seld máttmiklum partítoppum og ríkum útlendingum. Tann kruvdi og sløgdi kroppurin fer so í hópgravir.
Kravið hjá Beijing til tjóðarráðið í Hong Kong var, at Kina skuldi fáa allar borgarar útflýggjaðar til rættarsókn, sum hóvar Beijing. Tá byrjaði kravgongur og gøtuófriður ímóti lógini. Connie Lam, ørindagenta hjá CPC var ovfarin og leiðslan í Beijing lamd av valúrslitinum: 85% av Hong Kong veljarum stuðlaðu valevnum, ið seta seg upp móti Kina, 385 móti 59 ráðslimum, øvugt seinast.
Meðan 55% av forkelaðum studentum í USA hata frían marknarbúskap og siga seg velja sosialistisk (democrat) forsetaevni, senatorar og kongresslimir í 2020, so veitraðu 1000-tals Stars and Stripes og myndir av Trump í Hong Kong, eftir at kongressin og forsetin samtyktu at verja frælsið hjá Hong Kong.
Valdsharrarnir í Beijing skelva í øði. Teir sendu sjálvan sendiharran í Keypmh til Føroya, her landstýrið fekk at vita, at um tað ikki kíkar Huawei við teini, línu og húkum uttan at mukka, verður eingin handilsavtala millum Føroya og Kina.
So kunnu vit boyggja nakka sum Maldivur, Avanutu, Shri Lanka og onnur smálond, sum kinesiskur peningur hevur heft at kinesiskum politiskum vilja.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur