Hví tráa 100-tals mió fólk í ymsum 3.-heims londum til USA at búgva, um USA er so galið land at búgva í, sum sosialistar um allan heim vilja vera við? Hví eru mió av heimsins vinstrahallu so hatsk ímóti USA, at ein øtast.

Orsøkin til gravgangin av innbrótarum, ið tyrpast við mørkini til USA og halda seg hava sjálvsagdar rætt til at seta búgv har, er, at USA er gott land – eisini hjá heimsins fátæka, uttan útbúgving, førleikar ella kunnleika til enskt.

Pew Research Center hevur gjørt upp, hvussu nógvan pening, útlendingar í USA sendu teirra familjum í heimlandinum í 2017. Mongdin av heimsendum pengum var ørandi stór, nevniliga USD 158 mia, svarandi til yvir 1000 mia kr.

Tað vóru upphæddirnar, ið útlendingar í USA sendu um amerikanskar bankar til bankar heima til familjur teirra at brúka.

Pew Research sigur eisini, at so nógv penga- og onnur virði vórðu send heim uttan um bankar, at tað økir samlaðu remitteraðu upphæddina 50%.

Pew stovnurin veit heldur ikki, hvussu samlaða heimsenda upphæddin er býtt millum lógliga og ólógliga tilfluttar útlendingar í USA. Tey 10 londini, ið fingu mest pening frá landsmonnum í USA vóru (rund tøl):

Mexico:                     USD         30 mia
Kina:                                           16   -
India:                                          12   -
Filipsoyggjar                               11   -
Vietnam:                                      8    -
Guatemala:                                 8    -
Nigeria:                                       6    -
El Salvador:                                5    -
Dominikanska Lýðv:                   5    -
Honduras:                                   4    -

Øðiligar pengahæddir, ið høvdu gjørt móttakaralondini munin fátækari, um 10 tals miljónir av teirra borgarum ikki vóru í USA, lógliga ella ólógliga, til arbeiðis. USA man vera heimsins opnasta land, ja so víðopið, at tað er við at gera sjálvmorð, um ótand tilflyting úr heimsins armóðsbølum ikki USA eitt 3-heimsland av innbrótarum.