Øllum kunnugt stakk ein muslimur aftur 5 fólk niður á London Bridge fyri nøkrum døgum síðan. 2 teirra eru síðan deyð, og hini 3 bera mein fyri lívið.

Islamski knívstingarin var júst royndaleyslatin eftir at hava sitið 2 ára fongsulsdóm fyri yvirgang sum ISIS drápsmaður. Hann kom júst frá einum fyrilestri um, hvussu bretska almanaverkið hugsar sær at slúsa lívshættisligar brotsmenn fyri ósek hampafólk inn aftur í samfelagið eftir eitt kriminelt lív.

London er enn høvuðstaður í Bretlandi. Men London er ikki longur ein enskur býur. 55% (altso fleiri enn helvt) av íbúgvunum eru nú fødd uttan fyri Bretland. Nógv teirra eru har fyribils, í útbúgving ella arbeiði, men tey flestu fyri vell.

At færri enn helvtin av íbúgvum Londons eru bretar gjørdi m.a, at ein muslimur, føddur í Bretlandi, men við pakistanskum foreldrum, løgfrøðingur av útbúgving og parlamentslimur fyri Labour, varð valdur borgarstjóri í bretska høvuðstaðnum. Hann er veikur og flestu stuðlar eru vinstrahall og nýbretar.

Við miljónum av útlendingum í Bretlandi, harav fleiri enn helvtin muslimar, serliga í ídnaðarbýum og í London, hevur økt kriminalitetin í landinum almikið.

Almenn bretsk hagtøl, sum verða duld av myndugleikum, vinstramiðlum og enntá løgregluni, men tó avdúkað av nøkrum fáum miðlum, eitt nú DML News App og Breitbart, vísa, at knívurin hevur kostað 132 mannalív í London higartil í ár, sum brotslið av útlendingum, mest tilflytarum úr Afrika og Miðeystri brúka í bardøgum sínámillum á gøtum og í skotum og ofta um, hvat harkalið skal eiga rættin til eitt nú drøggsølu o.t. í økinum.

Konservativa Daily Telegraph og BBC stuðla nú hagtølunum, ið vísa, at talið á knívbardøgum er økt 80% og talið á manndrápum við knívi er økt 55% eftir 5 árum. Tað er ein avleiðing av, at lóggávan snarar á tað borðið, at brotsfólk fáa størri vælvild í tí vaksandi almannaídnaðinum enn ofrini fyri brotsverkum.

Vestanlond, ið nærum hava lagt síni landamørk niður og bjóða at kalla øllum heimsins landastrokum vælkomnum inn í vælferðarskipanina, eru um ein háls. Tað er ógjørligt hjá einum demokratiskum vælferðarlandi at vera ein opnahjallur fyri øll heimsins niðurundirkomnum (av egnum ella annara ávum) og so rokna við, at fremmanda innrásin ikki endar í ruðuleika eisini fyri tey hampafólk, ið hava búð í landinum í øldir og royna at búgva har enn.