Sórt politiskt fleirtal fyri at skerja danska CO2 útlátið 70 prosent í 2030
Í Danmark hevur eitt stórt politiskt fleirtal tikið undir við eini nýggjari veðurlagslóg, sum ásetur at CO2 útlátið skal minka við 70 prosentum í 2030.
Veðurlagslógin bindur verandi og komandi stjórnir í Danmark, at arbeiða fyri at minka útlátið av vakstrarhúsgassum við 70 prosentum í 2030. Tað sigur Dan Jørgensen, umhvørvismálaráðharri, sambært Politiken.
Samráðingar, sum hava verið um nýggju veðurlagslógina í fleiri vikur, endaðu fríggjakvøldið. Allir flokkar á Fólkatingið hava tikið undir við lógini, uttan Liberal Alliance og Nye Borgerlige.
Nýggja danska veðurlagslógin inniheldur úrslit, sum skulu røkkast á vegnum, og semja er um at Klimaráðið (Klimarådet) skal vegleiða donsku politikararnir í hesum arbeiðinum.
“I dag har vi skrevet Danmarkshistorie. Vi går nu allerforrest i kampen mod klimaforandringerne med en ambitiøs, bindende klimalov, som sikrer henadling. Det er oprigtigt en skøn følelse”, sigur Pernille Skipper frá politiska flokkinum Enhedslisten.
“Grøn betyder nu - og det beviser vi med 70 prosent målet, der gør Danmark til verdens grønne ledestjerne,” sigur Morten Østergaard, frá politiska flokkinum Radikale Venstre.
Nýggja lógin tilskilar m.a. at skerjingin av dálking skal henda í Danmark. Hetta merkir, at tað ikki fer at bera til at keypa CO2 kvotur fyri at røkka málinum.
Sambært Ritzau, kemur ein virkisætlan til nýggju veðurlagslógina í vár.
Mest lisið í farnu viku
Samband
Heygsvegur 8
490 Strendur