Bakkafrost hevur aftur keypt partabrøv í The Scottish Salmon Company, og nú eigur Bakkafrost 95,6 prosent av ensku alifyritøkuni. Tað merkir, at nú kann Bakkaforst í veruleikanum sjálv gera av, hvat kostnaðurin skal vera fyri restina av skotska alifelagnum.

27. september í ár boðaði Bakkafrost frá, at føroyski alirisin hevði keypt 68,6 prosent av The Scottish Salmon Company, og dagin eftir keypti Bakkafrost 9,2 prosent aftrat.

Nú er so greitt, at Bakkafrost hevur keypt uppaftur meira av skotska alifelagnum, og eigur nú 95,6 prosent. Og tað merkir, at Bakkafrost sjálvt kann gera av, hvør prísurin skal vera fyri restina av The Scottish Salmon Company.