Søkjast kann um loyvi hjá Sunda kommunu innan 20. desember 2019 kl. 12.00. 

Treytirnar fyri at fáa loyvi eru hesar:

• at bert reinur, óviðgjørdur og turrur viður verður nýttur

• at støddin á bálinum er í mesta lagi 5 metrar í diametur og umleið 2 metrar í hædd

• at veðrið er til vildar, og vindferðin skal í mesta lagi verða 15 m/s

• at frástøða til hús og lutir nærhendis er nóg stór

• at navnsnevndur ábyrgdarpersónur stendur fyri loyvinum, og er á staðnum tá brent verður

• at navn, adressa og fartelefonnummar hjá ábyrgdarpersóninum verða upplýst kommununi, tá søkt verður um loyvi til bálbrenning

• at um neyðugt verður hjá Sløkkiliðnum at fara á staðið at sløkkja ella rudda, er tað navngivni ábyrgdarpersónurin, ið fær rokning

• at økið verður ruddað í seinasta lagi kl.12.00 dagin eftir

• at spannir ella vatnkør eru á staðnum til sløkking ella køling í sambandi við møguligar brunaskaðar

Sera umráðandi er, at fýrverk ikki verður tveitt í bálið.

Hesar treytir skulu tryggja, at bálbrenningin verður gjørd við skynsemi, umframt at minst møgulig umhvørvisárin og annar ampi standast av brenningini.

Til ber at søkja her.