Nú Berlingske á forsíðuni endurgevur tað, sum teir siga er at hoyra í ljóðupptøkuni av samrøðuni millum Helga Abrahamsen og Herálv Joensen, skal eg gera vart við, at KvF ikki hevur brotið fútabannið. Sum almennur stovnur heldur KvF seg til galdandi lóg og rætt.

Í fútabanninum verður sýtt KvF at spæla ella á annan hátt almannakunngera ljóðbrotið. Hetta bannið virða vit framvegis. KvF hevur ikki spælt ella almannakunngjørt ljóðbrotið. KvF hevur heldur ikki útflyggjað nakra upptøku ella avskrivt av upptøkuni. Tað hevði verið brot á fútabannið. 

Ivan Hentze Niclasen,
Stjóri, KvF