Úr myndasavninum: Nøkur orð um 67 ára gamlan komfýr og ovnar úr stoypijarni
Tá vit vóru smábørn við Landavegin í 50-árunum, høvdu vit ikki sentralhita. Í køkinum var komfýrur, men vit fingu skjótt lítlan bakarovn við tveimum kókiplátum. Í minni stovuni stóð oljuovnur, sum brúkti petroleum, og tí var kalt á kømrunum og stóru stovuni. Minnist, at tá frost var úti, var frost eisini innan á vindeyganum í kamarinum, har vit kundu skriva á frostlagið.
Húsini, har eg nú búgvi, eru frá 1952, og í køkinum stendur vakur komfýrur, sum riggar væl, og sum vit brúka av og á. Fór til stuttleika at kanna søguna um komfýrin.
Vit minnast øll, tá vakrir stórir og mangan høgir ovnar úr stoypijarni stóðu í mongum stovum, og tá eg hyggi at merkinum á okkara gamla komfýri, gongur leiðin til stoypijarnvirki í Svendborg, sum ikki er til longur. Á komfýrinum stendur L.Lange & Co Svendborg. Fór at kaga at hesum virki, og hetta gjørdist áhugavert.
í 1850 var fyritøkan L.Lang & Co stovnað, og fyrstu árini helt stoypivirkið til í Jútlandi, men síðani flutti tey til Svendborg. Serliga við virkinum var, at tey løgdu stóran dent á at prýða ovnarnar, tí vóru ”arkitektar, designarar og kunstnarar” knýttir at fyritøkuni, og hetta sæst eisnii á ovnunum og komfýrunum.
Men alt hevur sína tíð her á fold, ogí serliga í 1960 – árunum minkaði framleiðslan av komfýrum og ovnum úr stoypijarni, tí fólk fingu sær sentralhita og el-komfýrar. Framleiðslan hjá gomlu fyritøkuni minkaði so mikið nógv í 1970 – árunum, at fyritøkan snaraði lykilin í 1984. Tá høvdu fýra ættarlið leitt einaferð stóra stoypivirkið. Tey gjørdu seinni savn við gomlum ovnum, men hetta savnið læt aftur í 2005.
Lesi í løtuni tær fimm bøkurnar hjá ....... les alt her http://www.hvannrok.fo/2019/12/13/ur-myndasavninum-nokur-ord-um-67-ara-gamlan-komfyr-og-ovnar-ur-stoypijarni/?fbclid=IwAR0_0vUxcfo81NCoiNJMu59wo4DAKe2bY7pas5ts2TUwKzwQEHiILndyGNI
Greinin stendur á hvannrok.fo
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur