Bakkafrost nærkast teimum hundraðtúsund tonsunum
Málið hjá Bakkafrost at framleiða 100túsund tons av laksi árliga nærkast av álvara.
Seinasta ársfjórðing í 2019 framleiddi Bakkafrost 18-túsund tons av laksi, av teimum vórðu gott og væl 13-túsund tons framleidd í Vestur-økinum og sløk 5-túsund tons vórðu framleidd í Suðurøkinum.
Haraftrat kemur laksaframleiðslan í nýggja felagnum hjá Bakkafrost í Skotlandi, og har framleiddu tey 7,9-túsund tons av laksi 4 ársfjórðing í fjør.
Leggja vit tey 7,9 tonsini hjá Bakkafrost í Skotlandi saman við teimum 18-túsund tonsunum hjá Bakkafrost í Føroyum, eru vit omanfyri 25 tons 4. ársfjórðing í 2019. Og fýra slíkir ársfjórðingar geva íalt gott og væl 100-túsund tons av laksi í kruvdari vekt árliga - um allir ársfjórðingarnir eru eins góðir. Og tað er júst málið hjá Bakkafrosti.
Samlaða nøgdin av framleiddum laksi hjá Bakkafrosti í Føroyum í 2019 var 57,2 túsund tons í kruvdari vekt. Í Skotlandi var samlaða laksaframleiðslan 33,8-túsund tons í kruvdari vekt - ella 91 tons íalt.
Ein partur av Bakkafrost-samtakinum er fóðurframleiðslan hjá Havsbrún, og Havsbrún framleiddi 28,4túsund tons av fóðri seinasta ársfjórðing í 2019.
Mest lisið í farnu viku
Samband
Heygsvegur 8
490 Strendur