Kaj Leo leggur frá sær, sum formaður
Hann tók við sum landsstýrismaður í heilsumálum, tá samgongan millum Sambandsflokkin, Fólkaflokkin og Miðflokkin varð skipað 13. september 2019.
Kaj Leo Holm Johannesen, ið hevur verið formaður í Havnar Bóltfelag seinastu 3 árini hevur valt at leggja formanssessin í felagnum frá sær. Hann sigur, at øll orkan skal leggjast í arbeiðið, sum landsstýrismaður í heilsumálum.
Sambart hesum, so skal Havnar Bóltfelag hava nýggjan formann á aðalfundinum, sum verður týsdagin 28. januar 2020 kl. 20.00 í HB-húsinum.
Lýsingin til fundin ljóðar soleiðis:
Skrá sambært lógum felagsins:
Frásøgn formansins frá farna árinum
Framløga av grannskoðaðum ársroknskapi til góðkenningar
Val av nevndarlimum og tveimum tiltakslimum
Val av roknskapargrannskoðarum
Innkomin mál
Ymiskt
Nevndin
Fakta um Kaj Leo Holm Johannesen:
Kaj Leo Holm Johannesen, landsstýrismaður
Kaj Leo Holm Johannesen er føddur i Tórshavn tann 28. august 1964. Hann er giftur Jórun Johannesen, fødd Bærendsen. Tey eiga tríggjar synir og búgva í Tórshavn. Hann er útbúgvin skipsførari, hevur drúgvar royndir innan fiskasølu, og hevur verið virkin í politikki seinastu tríati árini.
Kaj Leo Holm Johannesen var formaður í Sambandsflokkinum frá 2004 til 2015.
Kaj Leo Holm Johannesen var løgmaður frá 2008 til 2015, hevði sæti í Tórshavnar býráðið frá 1997 til 2000. Hann varð fyrstu ferð valdur á Løgting 30. apríl 2002.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur