CNN gjørt semju við tannáring
Amerikanska sjónvarpsrásin, CNN, hevur gjørt semju við ein tannáring, sum fyrr í ár varð spiltur út, tí hann skuldi hava víst ósømiligan atburð móti einum eldri indiána við Lincoln-minnisvarðan í New York.
Tannáringurin, sum gekk við einum keppi við áskriftini “Make America Great Again”, sæst á upptøkum standa frammanfyri illa indiánan, smílandi, og pinnastillur. Hetta varð í CNN og í fleiri av heimsins sjónvarpsrásum víst sum tekin um háðan móti einum gomlum manni - við herrópinum hjá Donald Trump, "Make America Great Again."
Men skjótt vísti tað seg, at sjónbandabrotið var tikið úr einari heild, og ungi maðurin - saman við skúlafeløgum, royndi heldur at bera so í bandi, at ongir samanbrestir skuldu henda millum fólk á staðnum.
Eftir útspillingina í nógvu av heimsins sjónvarpsrásum stevndi tannáringurin, Nick Sandmann, CNN eftir 2,4 milliardum krónum, tí tað var ikki hann, sum var ágangandi, men eldri indiánin.
Nú hava Sandmann og CNN gjørt semju. Hvussu nógvan pening, CNN noyðist at rinda tannáringinum fyri ófantaliga viðferð á rásini, er ógreitt.
Mest lisið í farnu viku
Samband
Heygsvegur 8
490 Strendur